काठमाडौं– प्रधानमन्त्री पुष्पकमल दाहाल ‘प्रचण्ड’ र नेकपा (एमाले)का अध्यक्ष केपी शर्मा ओलीबीच भेटवार्ता भएको छ ।
प्रधानमन्त्रीको सरकारी निवास बालुवाटारमा भएको सो भेटमा समसामयिक राजनीतिक विषय, राष्ट्रपति, उपराष्ट्रपतिको निर्वाचनलगायत विषयमा छलफल भएको प्रधानमन्त्रीको सचिवालयले जनाएको छ । आगामी फागुन २५ गते राष्ट्रपति र चैत ३ गते उपराष्ट्रपतिको निर्वाचन हुँदैछ ।
माओवादी स्रोतका अनुसार ओली र दाहालको भेटमा सत्ता राजनीतिमा पछिल्लो समय विकसित अवस्थाबारे पनि छलफल भएको छ । नयाँ नागरिकता लिएका पूर्व गृहमन्त्री रवि लामिछानेलाई पुनः गृहमन्त्री नियुक्ति गर्ने विषयमा एमाले अध्यक्ष ओली र प्रधानमन्त्री दहालबीच मतभिन्नता छ ।
आजै प्रधानमन्त्री दाहालसँग प्रदेश नं १ का मुख्यमन्त्री हिक्मतबहादुर कार्कीले भेटवार्ता गरेका थिए । भेटमा उनीहरुबीच बधाई आदानप्रदानका साथै प्रदेश सरकारलाई प्रभावकारी बनाउने विषयमा कुराकानी भएको बताइएको छ ।
