काठमाडौं– यस वर्षको कक्षा १२ को अन्तिम परीक्षा २०८० वैशाख २६ गतेबाट हुने भएको छ । राष्ट्रिय परीक्षा बोर्ड, परीक्षा नियन्त्रण कार्यालय (कक्षा ११ र १२) ले फागुन २१ गते आइतबार कक्षा १२ को परीक्षाको समयतालिका प्रकाशित गरेको हो ।
कार्यालयका अनुसार परीक्षा बिहान ८ बजेदेखि ११ बजेसम्म सञ्चालन हुनेछ । वैशाख २६ गते मंगलबारबाट सुरु हुने परीक्षा जेठ ५ गते शुक्रबारसम्म चल्ने कार्यालयको सूचनामा उल्लेख छ ।
कक्षा १२ को साधारण, परम्परागत र प्राविधिक विषय समूहतर्फका नयाँ तथा पुरानो पाठ्यक्रम अनुसारका नियमित, ग्रेडवृद्धि एवं आंशिक परीक्षार्थीहरूको वार्षिक परीक्षा हुने सूचनामा उल्लेख छ ।
