काठमाडौं– फर्स्ट माइक्रोफाइनान्स लघुवित्त वित्तीय संस्था लिमिटेडले गत आर्थिक वर्षको मुनाफाबाट सेयरधनीलाई चुक्ता पुँजीको १५ प्रतिशत लाभांश वितरण गर्ने घोषणा गरेको छ ।
घोषित लाभांशको आधा बोनस सेयर र आधा नगद लाभांश रहेको कम्पनीले जानकारी दिएको छ ।
मंसिर १३ गते बसेको लघुवित्त सञ्चालक समितिको बैठकले सो दरमा लाभांश वितरण गर्ने प्रस्ताव आगामी साधारण सभामा पेस गर्ने घोषणा गरेको हो ।
नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपछि उक्त लाभांश वितरण हुनेछ ।
