काठमाडौं– नेपाली बजारमा बिहीबार पहेंलो धातु सुनको मूल्य घटेको छ । नेपाल सुनचाँदी व्यवसायी महासंघका अनुसार बिहीबार सुन तोलामा एक हजारले घटेको हो ।
बुधबार तोलामा ८७ हजार ५०० मा कारोवार भएको छापावाला सुन बिहीबारका लागि भने ८६ हजार ५०० मूल्य निर्धारण भएको महासंघले जनाएको छ ।
त्यसैगरी तेजाबी सुन बिहीबार तोलामा ८६ हजार ५० रुपैयाँमा कारोबार भइरहेको महासंघले जनाएको छ ।
महासंघका अनुसार बुधबार एक हजार ३१५ मा कारोवार भएको चाँदी बिहीबार तोलामा एक हजार २८५ मा कारोबार भइरहेको छ ।
