काठमाडौं– पछिल्ला दुई दिन भारी मात्रामा घटेको सुनको मूल्य बुधबार भने वृद्धि भएको छ । नेपाल सुनचाँदी व्यवसायी महासंघले बुधबारका लागि छापावाल सुनको मूल्य प्रतितोला १ लाख ४९ हजार ६०० तोकेको छ । यो अघिल्लो दिनको तुलनामा ९०० रुपैयाँले बढी हो ।
महासंघले बुधबारका लागि चाँदीको मूल्य १ हजार ८३० रुपैयाँ तोकेको छ ।
चाँदीको मूल्य मंगलबारको तुलनामा प्रतितोला १० रुपैयाँ बढी हो । महासंघले अन्तर्राष्ट्रिय बजारमा हुने उतारचढावका आधारमा स्वानीय बजारका लागि दैनिक रुपमा सुनचाँदीको मूल्य तोक्ने गरेको छ ।
सोमबार र मंगलबार गरी सुनको मूल्य प्रतितोला १८ हजार रुपैयाँभन्दा धेरैले घटेको थियो ।
