काठमाडौं– सूर्योदय लघुवित्त वित्तीय संस्थाले गत आर्थिक वर्षको नाफाबाट वितरण गर्ने लाभांश घोषणा गरेको छ ।
संस्थाको चुक्ता पुँजीको १५.३४ प्रतिशत बोनस सेयर र सोको कर प्रयोजनार्थ ०.८० प्रतिशत नगद लाभांश गरी कुल १६.१५ प्रतिशत लाभांश वितरण गर्ने घोषणा गरेको हो ।
आइतबार सम्पन्न संस्थाको सञ्चालक समिति बैठकले उक्त लाभांश वितरण गर्ने निर्णय गरेको हो ।
संस्थाद्वारा प्रस्तावित लाभांश नेपाल राष्ट्र बैंकबाट स्वीकृत भइ आगामी वार्षिक साधारण सभाले पारित गरेपछि लागनीकर्तालाई वितरण हुनेछ ।
संस्थाको हाल चुक्ता पुँजी २१ करोड ५० लाख ४२ हजार ९२५ रहेको छ भने बोनस सेयर वितरण पश्चात २४ करोड ८० लाख ४२ हजार ९२५ पुग्नेछ ।
