काठमाडौं– चिनियाँ राष्ट्रपति सी चिनफिङले नेपाललाई १० लाख डोज कोरोना भाइरसविरुद्धको खोप अनुदानमा दिने घोषणा गरेका छन् ।
बुधबार नेपाली समकक्षी विद्यादेवी भण्डारीसँग भएको टेलिफोन कुराकानीमा चिनियाँ राष्ट्रपति सीले उक्त अनुदान घोषणा गरेको काठमाडौंस्थित चिनियाँ राजदूतले जनाएकी छिन् ।
दुई राष्ट्रपतिबीचको टेलिफोन संवादपछि नेपालका लागि चिनियाँ राजदूत हाउ यान्छीले ट्विटरमा उक्त कुरा उल्लेख गरेकी छिन् ।
यसअघि चीनले ८ लाख डोज भेरोसेल खोप नेपाललाई अनुदानमा दिएको थियो ।
सीसँगको ४० मिनेट लामो टेलिफोन संवादमा राष्ट्रपति भण्डारीले नेपाललाई आवश्यक कोरोना भाइरसविरुद्धको खोप खरिदमा सहजीकरण गरिदिन अनुरोध गरेकी थिइन् ।
