काठमाडौं– नेपाली बजारमा सोमबार सुनचाँदीको मूल्य बढेको छ । नेपाल सुनचाँदी व्यवसायी महासंघका अनुसार यस दिन सुन तोलामा २०० ले र चाँदी तोलामा ५ रुपैयाँले बढेको हो ।
सोमबार छापावाला सुन प्रतितोला ९४ हजार २०० र तेजाबी सुन प्रतितोला ९३ हजार ७०० मा कारोबार भइरहेको छ ।
आइतबार छापावाला सुन प्रतितोला ९४ हजार र तेजाबी सुन प्रतितोला ९३ हजार ५०० मा कारोबार भएको थियो ।
यस्तै, महासंघका अनुसार सोमबार चाँदी पनि तोलामा ५ रुपैयाँले बढेर एक हजार ३६० मा कारोबार भइरहेको छ । अघिल्लो दिन चाँदी प्रतितोला एक हजार ३५५ मा कारोबार भएको थियो ।
