काठमाडौं– शुक्रबार नेपाली बजारमा सुनको मूल्य १ हजार ४०० रुपैयाँले सस्तिएको छ ।
अन्तरराष्ट्रिय बजारमा सुनको मूल्यमा सामान्य कमी आएसँगै त्यसको प्रभाव स्थानीय बजारमा पनि परेको छ । बिहीबारको तुलनामा आज तोलामा १ हजार ४०० रुपैयाँले घटेको छ । चाँदीको भाउ भने प्रतितोला ५ रुपैयाँले बढेको नेपाल सुनचाँदी व्यवसायी महासंघले जनाएको छ ।
महासंघका अनुसार आज एक तोला सुनको मूल्य १ लाख ९० हजार ८०० रुपैयाँ कायम भएको छ । त्यसैगरी, एक तोला चाँदीको मूल्य १ हजार ९६० रुपैयाँ तोकिएको छ ।
बिहीबार सुन तोलाको १ लाख ९२ हजार २०० रुपैयाामा र चाँदी १ हजार ९५५ रुपैयाँमा खरिदबिक्री भएको थियो ।
अन्तरराष्ट्रिय बजारमा आज १ औंस सुन ३ हजार ३३३ अमेरिकी डलरमा कारोबार भइरहेको अन्तरराष्ट्रिय सञ्चारमाध्यमहरूले जनाएका छन् ।
