काठमाडौं– स्थानीय बजारमा सुनचाँदीको मूल्य लगातार तेस्रो दिन घटेको छ ।
नेपाल सुनचाँदी व्यवसायी महासंघले बिहीवारका लागि छापावाल सुनको मूल्य प्रतितोला २ लाख ५९ हजार ६०० रुपैयाँ र त्यति नै चाँदीको भाउ ४ हजार ४१५ रुपैयाँ तोकेको छ ।
बुधबार छापावाल सुन प्रतितोला २ लाख ६१ हजार र चाँदी ४ हजार ४७० रुपैयाँमा कारोबार भएको थियो ।
गत आइतबार सुनको मूल्य पहिलोपटक प्रतितोला २ लाख ७० हजार रुपैयाँ पुगेको थियो । चाँदीको मूल्यले भने गत मंगलबार प्रतितोला ४ हजार ८९५ रुपैयाँको कीर्तिमानी बिन्दु छोएको थियो ।
महासंघले अन्तर्राष्ट्रिय बजार मूल्यका आधारमा स्थानीय बजारका लागि दैनिक सुनचाँदीको मूल्य तोक्ने गरेको छ ।
