काठमाडौं- घादिङमा १९ जनाको ज्यान जाने गरी बस दुर्घटना भएको १२ घन्टा नहुँदै उदयपुरमा यात्रु बस दुर्घटनामा परेको छ ।
उदयपुरगढी गाउँपालिका–७, अधेरी जोगी टोलमा भएको दुर्घटनामा मानवीय क्षति भए नभएको विवरण आउन बाँकी छ ।
प्रहरीका अनुसार कटारीबाट गाईघाटतर्फ आउँदै गरेको बा २ ख ६२५७ नम्बरको यात्रुबस दुर्घटनामा परेको हो ।
प्रहरीका अनुसार बस सडकबाट ३०-४० फिट तल खसेको छ ।
दुर्घटनामा परेर झन्डै एक दर्जन व्यक्ति घाइते भएको बुझिएको र विस्तृत विवरण आउन बाँकी रहेको प्रहरीले जनाएको छ । अहिले घटनास्थलमा प्रहरी खटिएको छ ।
