काठमाडौं– सिटिजन्स बैंक इन्टरनेसनल नेपाल लिमिटेडले गत आर्थिक वर्षसम्मको सञ्चित मुनाफाबाट सेयरधनीलाई बोनस सेयर दिने भएको छ ।
शुक्रबार सम्पन्न बैंक सञ्चालक समिति बैठकले यसपालिको लाभांश घोषणा गरेको हो।
बैंकले हाल कायम चुक्ता पुँजीको ५ प्रतिशत बोनश सेयर र कर प्रयोजनका लागि ० दशमलव २६३ प्रतिशत नगद लाभांश वितरण गर्ने निर्णय गरेको हो।
प्रस्तावित लाभांश नेपाल राष्ट्र बैंकबाट स्वीकृत भई बैंकको आगामी वार्षिक साधारण सभाले पारित गरेपछि सेयरधनीलाई वितरण हुनेछ।
