काठमाडौं– समृद्धि फाइनान्सको पुतलीसडक, बनेपा र पोखरा शाखाले रक्तदान कार्यक्रम गरेका छन् ।
पोखरा र बनेपा शाखाको प्रांगणमा र पुतलीसडक शाखाले शंकरदेव क्याम्पसअगाडिको ट्याक्सी स्ट्यान्डमा कार्यक्रम गरेको कम्पनीको विज्ञप्तिमा उल्लेख छ । आगामी रक्तदान कार्यक्रम फागुन २६ गते हेटौंडा, २७ गते चितवन र २८ गते बुटवल शाखाले आयोजना गर्ने संस्थाले जनाएको छ ।
नेपाल राष्ट्र बैंकबाट ‘ग’ वर्गको इजाजतपत्र प्राप्त राष्ट्रिय स्तरको समृद्धि फाइनान्स कम्पनी लिमिटेडले हाल आठवटा शाखामार्फत कारोबार गर्दै आएको छ । कम्पनीले आरटिजिएस, आइपिएस, कनेक्ट आइपिएस, रेमिट्यान्स, क्लियरिङ लगायतका बैंकिङ र मोबाइल बैंकिङ, डेबिट कार्ड, क्युआर कोड जस्ता डिजिटल सुविधाहरु प्रदान गरिरहेको छ ।
