काठमाडौं– यस वर्षको मनसुन नेपाल भित्रिएको छ । नेपालमा मनसुन भित्रिने सरदर मिति जुन १३ भए पनि यस वर्ष सरदर मितिभन्दा एक दिन ढिला मनसुन भित्रिएको हो ।
आज नेपाल आगमन भएको मनसुन कोसी, पूर्वी मधेश, बागमती प्रदेशका अधिकांश भू–भाग र गण्डकी प्रदेशका पूर्वी भूभागमा फैलिएको छ ।
नेपालका अन्य भूभागमा भने केही दिनमा क्रमिक रुपमा मनसुन फैलिँदै जाने मौसम पूर्वानुमान महाशाखाले जानकारी दिएको छ ।
