काठमाडौं– व्यापारिक घराना चौधरी ग्रुप अन्तर्गत रहेको सीजी फुड्स नेपालले आफ्ना उत्पादनहरुको विस्तारलाई निरन्तरता दिँदै नेपालमै पहिलोपटक कुरिलोको स्वादमा सोल्टी इन्स्ट्यान्ट नुडल्स बजारमा ल्याएको छ ।
कुरिलोको स्वादमा उपलब्ध यो चाउचाउ नयाँ र फरक स्वाद रुचाउने उपभोक्ताको पहिलो रोजाइ बन्ने कम्पनीले विश्वास लिएको छ ।
बहुउपयोगी र स्वास्थ्यका हिसाबले उत्तम मानिने कुरिलोको स्वाद भएको यो चाउचाउको मसलामा डिहाइड्रेटेड भेजिटेबल्स जस्तै कुरिलोको टुक्रा, हरियो मटर र च्याउ मिसाइएको हुँदा सोल्टी कुरिलो बजारमा उपलब्ध अरु चाउचाउभन्दा पृथक रहेको कम्पनीले जनाएको छ ।
कुरिलो फाइबरको एक प्रमुख स्रोत हो, जसले पाचन प्रणालीमा महत्त्वपूर्ण भूमिका खेल्छ । साथै, कुरिलो भिटामिन र मिनरल्सको प्रमुख स्रोत पनि हो ।
आकर्षक प्याकेटमा उपलब्ध ७५ ग्रामको कुरिलो स्वादको सोल्टी इन्स्ट्यान्ट नुडल्सको उपभोक्ता मूल्य २५ रुपैयाँ र ७० ग्रामको चिकेन स्वादको सोल्टी नुडल्सको उपभोक्ता मूल्य २० रहेको कम्पनीको भनाइ छ ।
