काठमाडौं– आफूलाई सबैभन्दा अब्बल नेता दाबी गर्ने नेकपा एमालेका अध्यक्ष केपी शर्मा ओली प्रतिशोधको राजनीतिमा उत्रेका छन् ।
चितवनमा सम्पन्न नेकपा एमालेको १०औं महाअधिवेशनमा अध्यक्ष उठेका नेता भिम रावललाई आगामी चुनावको टिकटबाट वञ्चित गरेपछि ओली प्रतिशोधको राजनीतिमा उत्रेको पुष्टि भएको हो ।
एमाले अध्यक्षमा आफूविरुद्ध उम्मेदवारी दिएको बदला लिन ओलीले प्रभावशाली नेता रावललाई टिकट नदिएको बुझिएको छ ।
नेकपा एमालेले सुदूरपश्चिम प्रदेशका १५ निर्वाचन क्षेत्रको लागि उम्मेदवार तय गर्दा रावल उक्त सूचीमा परेका छैनन् । एमाले स्रोतका अनुसार पार्टी अध्यक्ष केपी शर्मा ओलीले शुक्रबार सुदूरपश्चिमका १५ निर्वाचन क्षेत्रका उम्मेदवारको नाम सुनाएका हुन् । एमालेले उम्मेदवार छनोटको जिम्मा अध्यक्ष ओलीलाई दिएको थियो ।
एमालेले प्रतिनिधिसभातर्फ अछाम १ मा झपट बोहरा र २ मा यज्ञ बोगटीलाई टिकट दिएको छ । रावल अघिल्लो निर्वाचनमा अछामबाट निर्वाचित सांसद् हुन् ।
